Voce di farfalla

Quanta strada aggio curruto

pe’ vve purtà st’ammasciata…

I’ vo’ cunto si mme vulite sentere…

No…no! Nun so’ angelo de cielo

e nemmanco diavole e’ ll’inferno;

so’ creatura d’o viento

che da lu mare passaje,

pure, dinto e’ saittelle,

dinto e pe miezo e’ sfravecature

antiche  e’ malerba d’e’ mure…

e mmo aggio mparato o’ cunto

e v’o voglio dicere pe’ vve sanà:

O’ gelo e’ sta turmenta

ve nasce dinto all’ansa d’o core,

‘a solitudine ca vve piglia,

sperute miezo ‘a folla,

nun ve ffa cchiu maraviglia…

Ecco vve site scurdate che d’è l’assieme

e l’asse e’ stu munno se nclinaje

pe lu piso ca purtate mpietto…

sta turmenta vvo’ dice

e ‘a neve se fa turbine

pe’ raddrizzà sta palla…

si ciato ne tenite

affidatelo a stu viento…

cantanne lode a stu gelo e’ turmiento.