Ma chi mo fa fa’?

M’è sagliuta ‘a pressione

pe st’ammore

ca me sta scassanne a profusione.

Ma chi mo fa fa’?

Ma chi t’o fa fa’?

Passa ‘a spazzola

ben bene

ncoppe ‘a tavola d’a memoria

lavala cu l’acqua

d’e lacrime ca e’ cacciato.

E po’ nfunnete

dinto o’ fiume d’a dimenticanza.

E ride!

Si ride tu sulo

comme a nu fesso…

Però…

allicuordate (ca te fa bbene)

quanne stive tu sulo

ncoppa ‘a muntagna,

dinto a la valle

dell’eco solitaria

e affabulave ammore

scrivenne co ‘o core…

‘O viento t’accarezzava

e te deva’a voce…

Allicuordate,

criatura,

ca ‘a vita è nu giro…

fa ca te porta

a chella stagione de suonne,

bbive l’acqua e’ surgente

e chiude ll’uocchie…

è capace ca te truove all’atu munno…

e che te ne fotte?

Truvarraje,

siente a mme,

tanta buona cumpagnia.