Metafore( la ruota e la chiglia)

Gira e rigira sta vita comme na’ rota

e tu si’ carro ca vaje zumpanne

in tra lli pietre rocciose…

e ‘ncuoppe ‘o carre nun puorte lli rose

ma sulo nu carico e’ spine dolorose.

Ma dich’io: nun putesse essere

comme ‘a chiglia e’ na’ nave?

Va essa e sciulea ‘ncoppe all’abisso

e pure si nce sta ‘a tempesta

va ballanne ‘ncoppe a l’onne

e si pure nun sia maje se sprufonna

tu ca si’ tolda sulo na vota vaje a funno

e saluti e dice: Accussì va lu munno.

 

Pubblicità