Mano insolente.

E mme porta, pure stanotte, sta mano

ad arapì sta ferita e’ parole…

vulesse si cantà de rose e de viole,

ma ‘a mano

va dicenne ca l’alleria nun ‘a vole.

E allora scrivila sta canzone indolente,

comme, mana mia, te si’ fatta fetente!

‘O sanghe dinto e’ vvene

te va dettanno ‘o vveleno…

na’ malia de stanchezza feroce…

Ma io te fermo, mano insolente,

co ‘a linfa bona e’ nu pensiero doce.