Zitto zitto, zitto…
nun ‘o ddicere a nisciuno…
st’ammore
resta nchiuso dinto all’ostrica.
Na perla è levigata dinto ‘o silenzio
‘o silenzio e’ stu mare d’abisso
tene ‘o lusso d’a profondità.
E cchiu’ l’onda d”o tiempo l’accarezza
cchiu’ s’astregne ‘o guscio affatato.
Quanne s’arape st’ostrica preziosa?
Quanne sta vocca dolente
darrà nu vase, nuovamente,
‘ncoppa ‘a vocca toia splendente.