canto primigenio d’una protocellula vivente.

Nascette io dinto a nu brodo primordiale

nun sapevo niente né d”o bbene né d”o male.

Io, comme protocellula d’organismo  vivente,

nun m’immaginavo manco c’arrivasse tanta gente.

Po’ dice c’arrivaje l’evoluzione

cumplicannese assaje la situazione…

Anfibi, rettili, quadrupedi, bipedi

distruzione, rinascita ancora evoluzione…

Ma mo, visto ca ppe’ miracolo de poesia

pozze parlà nu poco pure d”a storia mia

ve dico ca chell’acqua de nascita bollente

era fatta pure de musica silente…

io nun saccio buono si primma e ‘me

nce steva quaccosa o pure sulamente niente

fuje na’ luce bbona da na stella proveniente

ca me lassaje cadere e me dicette:

“Va, pasce crisce… e popola sta terra e’ gente”

Mo dinto na’ notte stellata alla marina

guardate e’ stelle, l’acqua e ‘o cunnulio de l’onne

e sentite de me l’esistenza antica

e pensate a me comme padre e madre, volente o nolente,

de tuttequante razze umana e animale…

a me ca cadette a coppe na’ stella

cu ‘a speranza e’ fa nascere gente lucente e bella.