Diego (‘A mane e’ Dio)

NOVEMBRE 25, 2020

E te ne si’ juto,

arrevutanno ‘o cielo e’sta città.

Dinto all’uocchie sperute d”a gente,

nu lutto d”e viscere

nu chianto ca parte a dinto all’ossa.

E nun ce sta fossa, nun nce sta cennere

niente te po’ nzuffunà

tu rieste eterno dinto a sti carne

permanente

comme stella cometa ‘e nu presepio vivente.

E nun fuje sulo na’ sfera ca te facette lucente,

ma ‘a passiona palpitante ‘e nu riscatto putente.

E te chiagnimme si! Comme se chiagne nu parente,

ma assaje cchiu’

chiagnimme ”o vuoto e’ n’anema ardente

ca ce facette vencere, si!

Ma ‘o cchiu’ bello fuje ca nce faciste abbraccià

cantanne ammore e gioia spassiunatamente.

E i’ canto stu miracolo ca se sta cunsumanno,

dinto a stu tiempo e’ danno:

s’è cumbinata n’assemblea d’ammore,

quase na’ mistica baldanza,

nu schianto d’allegrezza e de memoria

c’accade senza sapè niente

quanne o’ vero more nu ddio ca s’è fatto immanente.

*Ripubblico questa poesia dedicata a Diego Armando Maradona ad un anno dalla sua scomparsa ❤