Na nonna nonna…

Quanne t’adduorme te faccio na nonna nonna

Siente che note ca nce metto:

‘O sciacquio dell’acque ca c ‘hanno visto assieme,

‘o sibilo in canto d”o viento e’ muntagna

ca nce refrescaje ‘a faccia ‘ncoppe ‘a torre sulagna.

‘O tron tron d”e treni d”e viaggi cchiu’ belli

e d”a facciata d’a chiesa antica…

t’allicuorde e’ campanielli?

E po’… e po’…

miettece e’ sussurre scuonce e’ l’ammore

‘a nenia doce d”e suspire e’ calore…

Ecco l’incanto ca comme na nonna nonna te canto

quanne t’adduorme fanne musica e no chianto.

.