Sona l’ambulanza e nun fa canzone.

Tu vulisse cantà sulo na cosa sonora

comme na’ musica ca saglie dinto ‘a controra…

ma è nu stagno d’angoscia

calmo e’ na morte silente

e nun c’è onda, né sciacquio e’ vibrazione

sulo nu suono lungo ca nun fa canzone.

E ‘a sirena chiagne dinto ‘a nuttata

e tu dice s”a purtato a n’ato…

Te saccio o nun te saccio povera creatura,

pe’ tte chiagno e nun canto

sta storia e’ morte è troppa dura.